“Айқын
кеден – инвестициялық климатты жақсарту жолы”
Республикалық акция
Кеден – кез келген мемлекеттің басты
қақпасы және бет-келбеті. Ел туралы пікір сол арқылы
қалыптасады. Қазақстандық кеденшілер бұл туралы
әрине біледі, сондықтан да үнемі осындай әртүрлі
іс-шаралар өткізіп тұрады.
Осындай республикалық акцияның бірі “Айқын кеден –
инвестициялық климатты жақсарту жолы”. Бұл акция Ел
Басының Қазақстан халқына арнаған Жолдауын іске
асыру мақсатында Жалпыұлттық кәсіпкерлер және
“Атамекен” жұмыс берушілер одағымен бірлесіп ұйымдастырылды.
Акция үстіміздегі жылдың 1 қазанынан 1 желтоқсанына
дейінгі мерзімде өтеді. Ең басты мақсат – кеден
мемлекеттің және оның азаматтарының мүддесін
қорғайтын бір ғана міндетті атқаратын ашық та
айқын құрылым екендігін көрсету. Кеденшілермен
кездесуден тек заңды бұзушылар ғана қорқуы тиіс.
Кіші және орта бизнес барлық елде қоғамның
экономикалық өсуінің стратегиялық
бағыттарының бірі болып табылады. Ана жақта кәсіпкерлік
салада халықтың 40% айналысады, ал бізде – 28% көп емес.
Расында да соңғы жылдары бизнес пен кеденнің арасындағы қатынас айқын да сенімді бола бастады. Бұл біріншіден кеденшілердің
өз еңбектерінің
жемісі. Бұған куә жақын арада өткен “Кеден бизнес қамқоршысы”
атты республикалық
акция. Қазақстандық
кеденшілер бүгінгі “Айқын кеден –
инвестициялық климатты жақсарту жолы” акциясы кеденшілер мен
бизнесмендердің арасындағы сенімді одан әрі
нығайтуға ықпал етеді деп сенеді.
Кеден органы екі ай бойы кәсіпкерлермен көптеген кездесулер
өткізуді жоспарлауда, мұнда өзекті мәселелер
талқыланатын болады. Пікір алмасу кеден органдарының жұмысын
ұйымдастыру нысандары мен әдістерін жетілдіру бойынша бірлескен
ұсыныстардың туындауына мүмкіндік береді. Кедендік ресімдеу мен
бақылаудың жаңа жолдары мен әдістерінің
тұсаукесері болады деп күтілуде.
Елге инвестиция тарту, сыбайлас жемқорлыққа қарсы
күресті одан әрі жетілдіру, қалай кеден
қызметкерлерінің солай кәсіпкерлердің қатарын
тазарту мәселелері бойынша екі жақта назардан тыс қалмайды.
Акцияға барлық тілек білдірушілер қатысуға болады.
Қазақстанның Кедендік бақылау департаменттерінде 60
күн бойы ашық есік күні өтеді, азаматтарды
қабылдау күні кеден органдарының басшылары практикалық
іс-әрекеттерде туындайтын барлық сұрақтарға жауап
беруге дайын. Сұрақтарға жауапты немесе ақпаратты
ақпараттық-кеңес беру пункттерінде де алуға болады.
Мұндай пункттердің тізімі мен сенім телефондары БАҚ-да
жарияланатын болады.
